Toekarena

Fiovaovan’ny sandam-bola Olana goavana sedrain’ny orinasa Malagasy

Toekarena
Sabotsy 23 Jona 2018

Anisan’ny olana goavana sedrain’ireo orinasa eto amintsika izay mety hampitotongana azy ireny mihitsy ny fiovaovan’ny sandam-bola Malagasy.

Saika miankina amin’io sandam-bola io avokoa mantsy ny fiainan’ny orinasa, hoy ireo tompon’andraikitra eo anivon’ny banky BNI, antony nanosika azy ireo hampitombo ho 14 % ny fampindramam-bola ny orinasa Malagasy nanomboka tamin’ny taon-dasa. Afaka mividy sy mivarotra vola vahiny ao aminy ireo orinasa miara-miasa aminy, izay efa tsy tambo isaina intsony ankehitriny. Anisan’ny mandray anjara amin’ny Salon de l’Industrie de Madagascar tanterahina eny amin’ny Forello Expo Tanjombato nanomboka omaly ny banky BNI. Ankoatra ny maha mpanohana ofisialy azy ireo dia nandray anjara tamin’ny fananganana ny tranoheva ihany koa ity banky iray ity. Saika hita eny an-toerana avokoa moa ireo karazana tolotra omeny ny mpanjifa isan-tsokajiny mandritra ny efatra andro.

Pati