Toekarena

Fikojakojana làlana “Ahafahana manodinkodim-bola ny “Fond routier””

Toekarena
Alakamisy 09 Febroary 2023

Tsy misy afa-tsy fikojakojana mandavan-taona lalana ihany no vahaolana amin’ny olan’ny lalana eto Madagasikara, hoy ny minisitry ny asa vaventy teo aloha, ny Jeneraly Tsaranazy Jean Emile.

Tsy andrasana fotoam-pahavaratra, hoy izy, vao hanao asa maika. Desambra hatramin’ny janoary io no tokony atao. Tsy volam-panjakana ny “Fond d’entretien routier” na FER teo aloha fa volan’ny mpitatitra mampiasa ny lalana ka nanomboka tamin’ny fotoana nitsabahan’ny fanjakana ny fitantanana ny FER no mahatonga ny fahataran’ny fandoavana ny faktioran’ny orinasa mpanao lalana. Ny fanafody voalohany izany dia ny famerenan’ny fanjakana io vola notazoniny ao amin’ny tahirim-bolam-panjakana io ho tantanan’ny FER araka ny lalàna. Lasa FR na “Fond routier” ilay izy izao satria tian-drizareo hitarina ny fampiasana io vola io ho ankoatran’ny resaka fikojakojana ny lalana. Notsipihina fotsiny izany ilay hoe “entretien” mba hahafahana manodinkodina ilay vola ao anatiny ao amin’ny alalan’ny fehezan-dalàna na “texte”. Hita izao ny vokatra fa nahomby kokoa ny FER raha mihoatra amin’ny FR. Ny FR izany izao no akana rehefa hoe misy elanelany ny vidiny tena izy sy ny eny an-tsena, ohatra, hoy hatrany ny tenany.
J. Mirija