Toekarena

Fifanakalozana ara-barotra Kely ny miditra amin’ny fanondranana

Toekarena
Talata 06 Martsa 2018

Mifarana anio ny atrikasa andiany faharoa hijerena izay hahafahana mampivoatra ny antsoina hoe « commerce de service » na varotra ifanakalozan’ireo mpandraharaha malagasy amin’ny samy eto sy ny sehatra iraisampirenena, indrindra, aty amin’ny faritr’i afrika etsy amin’ny Panorama nanomboka omaly.

Novatsian’ny vondrona eoropeanina sy ny Sadc moa ny andiany voalohany tamin’izy ity, raha ny fanazavana, ary izao andiany faharoa izao kosa ny iaraha-miasa amin’ny Comesa indray. Maro ireo sehatra nofidiantsika ampiharana ity antsoina hoe varotra takalo ity toy ny fitaterana, ny fizahantany, ny serasera, indrindra, moa ny fifanankalozana iraisampirenena. Mitaky fampiofanana hatrany ny mpiasam-panjakana izany, raha ny fanazavana, ary tokony ho vaindohan-draharaha. Ny resaka fikirakirana mampidi-bola vahiny betsaka indrindra dia ao, hoy ny avy eo anivon’ny minisiteran’ny varotra. Ny sehatry ny fizahantany izay nahataomana mpizahatany miisa 300.000 tamin’ny taon-dasa izao, ohatra, dia nahazoantsika 700 tapitrisa dolara teo, hoy hatrany ny fanazavana. 740 tapitrisa ny teo amin’ny resaka fanafarana raha 250 tapitrisa dolara kosa ny fanondranana.

J. Mirija