Toekarena

Fifanakalozana ara-barotra eto Afrika Hisy fihenam-bidy 14,3% ireo entana aondrana

Toekarena
Zoma 11 Mey 2018

Nosokafana tamin’ny fomba ofisialy ny alarobia teo tetsy amin’ny hotely Colbert Antaninarenina ny fivoriana fahatelon’ireo manampahaizana momba ny raharaham-padintseranana aty afrika hanamorana ny fifanakalozana ara-barotra amin’ny samy afrikanina.

Araka ny fanazavana, efa mizotra miandalana ny paikady hanatontosana azy io fa fanatsarana hatrany no atao. Rehefa mihatra kosa ny fifanarahana momba ny fifanakalozana ara-barotra na AFE izay novolavolaina nandritry ny fivoriana voalohany sy faharoa tany Libreville, Gabon sy Nairobi, Kenya aorian’ireo fivoriana dia azo heverina ny ahitana fihenam-bidin’ireo entana aondrana hatrany amin’ny 14,3%. Hitombo hatrany amin’ny 20% kosa anefa ny fahafaha-manondrana entana any amin’ireo firenena afrikanina hafa, raha ny fanazavana hatrany.

J. Mirija