Toekarena

Fiaraha-miasan’ny TELMA sy ny BNI Miala any ny M Vola “Avance”

Toekarena
Alarobia 08 Novambra 2017

Mitohy hatrany ny fiaraha-miasan’ny banky BNI sy ny orinasa Telma amin’ny fanamaivanana ny fahasahiranan’ny mponina amin’ny fiainana andavanandro, indrindra fa ireo mpanjifany.

Ho an’ny banky BNI manokana dia nanomboka ny volana mey lasa teo izy ireo no nanaiky hiara-kiasa tamin’ny Mvola. Afaka naka sy nisintona vola malalaka tamin’ny kaonty avokoa ( kaonty Mvola sy kaonty BNI) ny mpanjifa nanomboka teo eny hatramin’ireo mponina any amin’ny faritra lavitra andriana tsy afaka mamonjy banky sy ireo any am-pitandranomasina. Ankehitriny, tonga amina dingana hafa ny roa tonta toy ny fahafahana manome vola maika sy tampoka ho an’ireo izay mila izany. 1.000 ka hatramin’ny 500.000 Ar ny vola azo hindramina na ilay antsoina hoe : M Vola “avance” . Tsy maintsy averina ao anatin’ny 30 andro anefa io ary 9 % -n’ny vola nindramina ny sarany. Ho an’ny MVola “epargne” kosa dia 100 Ar ka hatramin’ny 10.000.000 Ar ny vola azo tehirizina ka 2 % isaky ny telo volana ny zanany. Hiarahan’ny orinasa Telma miasa miaraka amin’ny banky BNI izy io.

Pati