Toekarena

Faritra misy hain-tany Tratra farany ara-toekarena

Toekarena
Zoma 19 Jolay 2019

Firenena 196 no handray anjara amin’ny fihaonambe iraisam-pirenena faha-14 momba ny fahamainan’ny tany any New Delhi India.

Amin’ny 2 hatramin’ny 13 septambra ho avy izao no hanatanterahana izany ary manana solontena ho any i Madagasikara. Ny faritra Atsimon’ny Nosy tahaka ny faritra Anosy sy Androy moa no tena voakasika amin’izany fahamainan’ny tany izany ka mahatonga ireo faritra ireo ho sahirana tanteraka ara-pivelomana ary tratra aoriana mihitsy amin’ny fampandrosoana. Tsiahivina fa efa nisy ihany ny paik’ady iadiana amin’ny fahamainan’ny tany napetraka nandritra ny fihaonambe iraisam-pirenena ny taona 1977 ka nankasitraka izany ireo firenena rehetra nandray anjara ary anisan’izany i Madagasikara saingy tsy hita taratra ny fampiharana azy hatreto. Takian’ny fiarahamonim-pirenena ny fandraisan’anjaran’ireo mpisehatra rehetra amin’izao fotoana izao mba hisy akony amin’ny fampiroboroboana ny eny ifotony hanatsarana ny toekarena.

Tsirinasolo