Toekarena

Faritra Atsinanana Mety tsara ny fiompiana trondro

Toekarena
Alakamisy 03 Aogositra 2017

Raha tena mampitaraina ny maro tokoa hatramin’izao ny fidangan’ny vidin’ny trondro eto an-drenivohitra dia mifanohitra amin’izay tanteraka ireo karazan-trondro avy any amin’ny faritra Atsinanana, indrindra fa ny tilapia.

Tsy mba nanana olana tamin’ny tsy fahampian’ny ranon’orana mantsy izy ireo tamin’ny fotoam-pahavaratra farany yteo, raha araka ny fanazavan-dRtoa Andrianambinina Celestine, teknisiana eo anivon’ny fikambanana tilapia de l’Est. Efa manara-penitra tanteraka mantsy ho azy ireo ny dobo hampiasaina no sady mafana ihany koa ny toe-tany any Atsinanana ka vetivety dia lehibe ny trondro. Ao anatin’ny telo volana sy tapany dia efa mahatratra 300 hatramin’ny 350 grama ny lanjan’ny trondro tilapia iray. In-droa na in-telo mampiakatra trondro ny dobo iray ao anatin’ny 12volana ka hahazoana 500 kg raha kely indrindra ny dobo iray. Miezaka mampahafantatra io vokatra trondro io etsy amin’ny Stade annexe Mahamasina ny fikambanana ankehitriny no sady mivarotra zana-trondro. 12.000 Ar ny iray kilao raha 300 Ar kosa ny zana-trondro iray mirefy 3,5 sm.

Pati