Toekarena

Fanorenana ifotony an’i Madagasikara “Tsy tonga ny mpitondra nefa raiamandreny no niantso”

Toekarena
Zoma 23 Septambra 2022

Amin’ny maha raiamandreny mpiahy ny Vondrona politika FIAM na fanorenana ifotony an’i Madagasikara ny tenako, hoy ny mpanao politika, Joseph Yoland,

dia hoy aho hoe tsy misy zavatra mandeha mihitsy eto Madagasikara izao. Raha tsy manao fanorenana ifotony ny rafitra tena ahafahana mampandroso an’i Madagasikara isika dia tsy ho tafavoaka ity firenena ity. Na iza na iza atao filoham-pirenena eo dia tsy ho tafavoaka ny firenena. Mila ovana daholo ny fehezan-dalana eto Madagasikara. Mila misy bankim-pampandrosoana eto. Mila asiana ireny toerana akana retiretin’ny mpiasam-panjakana toy ny any am-pitan-dranomasina ireny. Mila famoronana asa. Marobe ny ilaina atao eto. Misy harena maro eto kanefa tsy haintsika ny manodina azy ho tombontsoan’ny maro an’isa. Ho an’ny FIAM dia ny fanorenana ny rafitra no zava-dehibe. Tokony hijery ny tombontsoam-pirenena ny rehetra. Ilaina miara-maneho hevitra anaty fikaonandoham-pirenena ny rehetra. Efa niantso moa ny FFKM tamin’ilay fotoam-pivavahana teo. Tsy tonga ny mpitondra nefa raiamandreny no niantso. Andrasana ny tohiny, hoy hatrany ny FIAM.
J. Mirija