Toekarena

Fanjifanana Be mpitady ny vokatra AAA TIKO

Toekarena
Alakamisy 02 Aogositra 2018

Mitady hatrany ireo vokatra vokarin’ny orinasa AAA TIKO ireo mpanjifa manerana ny Nosy, indrindra taorian’ny nanakatonan’ny fitondram-panjakana ny orinasa Magro.

Izany indrindra no antom-pisian’ny M Shop mba hahafahana mamaly ny hetahetan’ireo mpanjifa. Ho an’ny eny amin’ny Cité des assureurs Itaosy, ohatra, dia vao herinandro mahery izao no nisokafan’ny M Shop izay mivarotra ireo karazam-bokatra vokarin’ny AAA TIKO tsy misy fangarony. Anisan’ireny ny yaourt amin’ny vidiny 750 Ar ny iray, ny dibera, ny classiko bonbon, orange, cola …Raha ny fanazavan’ny tompon’andraikitra iray eo anivon’ity trano fivarotana eny Itaosy ity dia tena mandeha tokoa ny tsena. Mila tsy haharaka aza satria ankoatra ny olon-tsotra dia betsaka ihany koa ireo mpivarotra enta-madinika mbola hivarotra antsinjarany no maka sy mikaomandy ao amin’izy ireo. Tsiahivina moa fa efa miisa efatra ankehitriny ireo M Shop eto an-drenivohitra. Eny Anosibe, Ambanidia ary Ambatomainty ireo telo voalohany izay efa mivarotra vokatra hafa ihany. Efa tamin’ny volana oktobra taona 2018 tany ho any moa no nosokofana ireto M Shop telo voalohany ireto. Ampahany amin’ireo mpanjifan’ny M Shop ireto sendra ny gazety Tia tanindrazana ireto.

Lolona, renim-pianakaviana niteraka roa : Ny ahy ny yaourt no tena vidiako ao amin’ny M Shop ho an’ny zanako. Hafa ihany mantsy ny yaourt Tiko sady miaro amin’ny aretina.

Feno, raim-pianakaviana : Ny ahy ny jus vokarin’ny Tiko sy ny dibera no tsy mbola foiko. Sady mora mantsy izy ireny no tsara. Efa tena zatra azy io izahay mianakavy kely e !

Pati