Toekarena

Fandraharahana ara-barotra Sahirana ny Malagasy

Toekarena
Alarobia 29 Mey 2019

Latsaka ambany tanteraka ankehitriny ny fahefa-mividin’ny Malagasy Mahatsapa izany ny mpivarotra ary tena hita mihena mandrakariva ny fahefa-mividy.

Amin’ny lafiny haingo, ohatra, dia nanambara ny ankamaroan’ireo mpivarotra ao amin’ny AVANCE CENTER Behoririka fa tena misy ny tsena rehefa fotoanan’ny fetin’ny reny. Tamin’ny farany teo anefa dia tena vitsy ny mpanjifa ary ambany be ny vola niditra raha oharina tamin’ny taona 2018. Anisan’ny mampikaikaika ny mpivarotra ihany koa ny fidangan’ny hofantrano alain’ny sinoa izay mahatonga azy ireo niala tsikelikely. Manginy fotsiny, hoy izy ireo ny fatiantoka rehefa misy foara sy tsena any ivelany, indrindra amin’ireo karazana fety. Aleon’ny olona mantsy manjifa eny amin’ireny toerana ireny toy izay hiditra mankany amin’ireo botika izay efa malaza ho lafo entana. Efa mipaka amin’ny ankamaroan’ny tokantrano Malagasy ity fahefa-mividy latsaka ambany dia ambany ity ary hita ho sempotra tanteraka ankehitriny ireo mpandraharaha ara-barotra.

Tsirinasolo