Toekarena

Fandaharan’asa FEC Singa ara-toekarena maro no dinihina

Toekarena
Alatsinainy 20 Mey 2019

Findramam-bola ataon’ny Banky Foiben’i Madagasikara ny fandaharan’asa Facilité Elargie de Crédit (FEC) fa tsy an’ny fanjakana. Maro be ny singa ara-toekarena hanaovan’ny BFM fanadihadiana mialoha ny firosoana amin’ny fifanarahana.

Anisan’izany ny fiantraika ara-bola, ny fisondrotam-bidim-piainana, ny famokarana eto Madagasikara sy ireo maro hafa. Etsy an-daniny, manana ny fomba fiasany ihany koa ny Tahirim-bola iraisam-pirenena (FMI) ka rehefa ankatoaviny sy ekeny ao amin’ny filankevi-pitantanany ny vokatra azo ny mahakasika ny fiharian-karena faobe dia misitraka ny famatsiam-bola FEC ny firenena. Anisan’ny jereny amin’izany ny harinkarena faobe, ny fifehezana ny tahan’ny vidim-piainana sy ny fandaniam-bolam-panjakana, ny fitantanam-bolam-panjakana, ny fampidiram-bolam-panjakana tamin’ny alalan’ny fampidiran-ketra ary ny fandraharahana ara-bolan’ny banky foibe. Tsiahivina fa manomboka ny 28 mey hatramin’ny 12 jona ho avy izao ny fijerena ny tomban’ezaka andiany fahadimy nataon’i Madagasikara amin’ny fandaharan’asa Facilité Elargie de Crédit (FEC).

Tsirinasolo