Toekarena

Fanatsarana ny tambajotran’ny Jirama Neken’ny BAD ny fampindramana 429 000 000 dolara

Toekarena
Alarobia 30 Desambra 2020

Nankatoavin’ny Filankevi-pitantanan’ny Banky Afrikanina momba ny

Fampandrosoana (BAD) ny fampindramam-bola 42,9 tapitrisa dolara na 150 miliara Malagasy mahery eo ho an’ny Jirama eto Madagasikara, araka ny vaovao navoakan’ny Agence EcoFin, fampahalalam-baovao miresaka kokoa momba ny toekarena sy ny vola. Tafiditra ao anatin’ny dingana faharoa amin’ny PRIRTERM (Projet de renforcement et d’interconnexion des réseaux de transport d’énergie électrique à Madagascar), izany hoe mifototra bebe kokoa amin’ny fanatsarana sy fampifandraisana sy ny fitaterana ny tambajotrana herinaratra izy io. Natao hanatsarana ny fitaterana sy fitsinjarana herinaratra ho an’i Toamasina (RIT), Moramanga, Antananarivo (RIA), Antsirabe ary Fianarantsoa (RIF). Ho an’ny RIA dia hisy ny fametrahana “sous-station » miisa 4, ary hisy ihany koa ny karazana fandrohizana ny RIA sy ny RIF ary hifandray ireo amin’ireo “sous-station” ireo. Tafiditra amin’ny fampifandraisana io ny hisiana tambajotrana herinaratra 200 000 volts. Ho tonga any Antsirabe-Vinaninkarena, ary tafiditra ao anatin’izany ihany koa ny fanomezana herinaratra an’i Soanindrariny.

Toky R