Toekarena

Fanarenana ny toekarena Zava-dehibe ny famokarana

Toekarena
Zoma 12 Jona 2020

Ny fampiakarana ny famokarana amin’ny alalan’ny fanomezana ny asa isan-tokantrano ka hampitombo ny fanjifana no hanarina haingana ny toekarena eto Madagasikara raha ny nambaran’ny mpahay toekarena iray nanaovana fanadihadiana eo anivon’ny Faribolana Mpandinika ny Hary eto Madagasikara (CREM).

Manan-danja lehibe amin’ny fanantanterahana izany ny fanapahan-kevitra sy ny politikam-panjakana amin’ny fitantanana ny krizy ara-pahasalamana eto amin’ny firenena araka ny fanazavany. Tsikaritra amin’izao fotoana izao ny fihenan’ny elanelana mahakasika ny farim-piainana manerantany mihitsy satria saika sahirana avokoa ny mahantra sy ny manankarena. Midika izany hoy izy fa ny isan-tokantrano mihitsy no voakasiky ny krizy noho ity valan’aretina coronavirus. Rehefa tsy mamokatra ny olana dia mbola hihena hatrany ny fahefa-mividy sy ny fanjifana ary tsy hiodina mihitsy ny vola ka hampikatso tanteraka ny toekarena hoy hatrany ny fanambarana.

Tsirinasolo