Toekarena

Fanarenana ny toekarena “Tsy ho vita raha tsy eo ny sehatra tsy miankina”

Toekarena
Alatsinainy 28 Septambra 2020

“Tokony jerena ny fanarenana ny toekarena indrindra ny fanampiana ireo orinasa tsy miankina izay fototry ny fampandrosoana.

Ireo no mamoron` asa sy mandoa hetra, izay vola ampiasain` ny fanjakana amin` ny ankapobeny hanodinana ny raharaham-pirenena, handoavana ny karaman` ny mpiasam-panjakana, hanaovana fotodrafitrasa, ankoatra ny avy amin` ireo mpiara-miombon` antoka” hoy Fetra Ralambozafimbololona, mpikambana eo anivon` ny vaomiera misahana ny vola eo anivon` ny Antenimieram-pirenena. Nambarany fa sarety mandeha aloha ny LFR 2020, satria efa lany ity lalàna ity vao nantsoina ny mpandraharaha. Hany ka lasa mitsambiki-mikipy ny fitondram-panjakana. Mampalahelo, hoy izy, fa raha nieritreritra ny teknisianina hoe fanarenana ny toekarena ny atao hoe “amnistie fiscale” dia nandà izany ny fitondram-panjakana. Nahena ho 18% indray ny TVA sy hetra samihafa saingy tsy nanaiky ny fanjakana. Notsipihany hatrany fa tsy azo tsinotsinoavina ny orinasa tsy miankina. Tokony hampidirana amin` ny ara-dalàna ihany koa ireo sehatra tsy ara-dalàna amin`ny fandraisana anjara amin`ny fampidiran-ketra, hoy izy.

Marigny A.