Toekarena

Fanarenana ny tanànan’Antalaha Olona 350 nahazo tombontsoa

Toekarena
Zoma 14 Jolay 2017

An-jatony ny asa noforonina vonjimaika mba ho fanarenana ny tanànan’Antalaha, izay rotiky ny rivodoza Enawo tany an-toerana ny 8 martsa 2017.

Nahazo tombontsoa mivantana ny olona miisa 350 lahy sy vavy izay eo anelanelan’ny 27 ka hatramin’ny 60 taona. Nanao asa takalo vola izy ireo, ka niasa nanadio ny morontsiraka sy nanala ireo poti-javatra sy fako manodidina ny 170 000 taonina nandritra ny 32 andro nanomboka ny 29 mey 2017. Nosandaina 5. 000Ariary isan’andro isan’olona ny fanatanterahana ny asa, izay teo ambany fiahian’ny tetikasan’ny Firenena Mikambana momba ny fampandrosoana (PNUD) sy ny kaominina Ambonivohitr’i Antalaha. Ahafahan’ireo fianakaviana sahirana mividy ny filany andavanandro ny vola azony tamin’ity asa takalo vola ity, ary indrindra ahafahany mampiroborobo ny asa fivelomany. Notsongaina manokana ireo fianakaviana, indrindra ireo renim-pianakaviana manan-janaka latsaky ny 5 taona, ireo manana fahasembanana, ireo rava trano sy fananana nandritra ny rivo-doza. Sady nahazo asa ny olona no nandray vola teto ary ny nadio sy niverina amin’ny laoniny ihany koa ny tanàna rotiky ny rivodoza.

Toky R