Toekarena

Fanafarana sakafo Mandany 600 tapitrisa dolara isan-taona i Madagasikara

Toekarena
Alakamisy 19 Mey 2022

Tokony efa hihoatra ny dingana arahana mikasika ny fametrahana ny fahavitan-tena ara-tsakafo eto Madagasikara izay resahan’ny fitondrana ankehitriny efa ho isan’andro, hoy ny mpanao politika,

Zaza Ramandimbiarison. Hita ho resaka fotsiny izany amin’izao fotoana izao, hoy izy. Mahatratra hatramin’ny 600 tapitrisa dolara isan-taona ny vola lanin’I Madagasikara amin’ny fanafarana sakafo. Mihoam-pampana ny fanafarana ataontsika ary mety hanahirana izany ho an’ireo taona ho avy. Miantehitra amin’ny fanafarana I Madagasikara ary tsy mbola mahavokatra ny filan’ny Malagasy isan’andro. Ny 80%n’ireo mponina mihary eto anefa dia tantsaha ary I Madagasikara dia manana velaran-tany mirefy hatrany amin’ny 8 tapitrisa hektara hamokarana. Mitaky famokarana mifanaraka amin’ny teknolojia ankehitriny ny fanavaozana ny toekarena malagasy, hoy hatrany ny tenany.
J. Mirija