Toekarena

Fanafaram-bary Anjakan’ny fifaninanana tsy madio

Toekarena
Zoma 14 Jolay 2017

Zava-misy ny tsy fisian’ny fifaninanana madio eo amin’ny fandraharahana ara-bary satria sokajin’olom-bitsy ihany no mahazo tombony amin’ny fahafantarana ny lalam-barotra, hoy ny minisitry ny varotra teo aloha Rabesahala Henri.

Efa anjakan’ny tambajotran’izy ireo avokoa mantsy ny lafiny fanafarana avy any ivelany toy ny sehatry ny fitaterana an-dranomasina, ny fadin-tseranana, ny fifamoivoizana an-tanety, ny fitsinjarana ambongadiny. Takian’ireo mpandraharaha mpibizina amin’ny mpanjifa ireo anefa ny vola maloto nampiasainy tamin’ny fomba mamohehatra ka mahatonga ny vidim-bary ho lafo. Ilaina fahasahiana ara-politika noho izany ny fandaminana io fanafaram-bary io, hoy ity tompon’andraiki-panjakana teo aloha ity. Fepetra iaingana amin’izany ny fanajana ny lalàna tsy fidiran’ny fanjakana amin’ny sehatra miaraka amin’ny fanokafana ny fandraharahana ho an’ny rehetra eo amin’ny lafiny fanafarana sy ny fanangonana. Vahaolana fototra ny fanadiovana ny tsena anjakan’ny kitranoantrano sy ny kolikoly miaraka amin’ny fanaraha-maso ireo sakantsakana isan-karazany momba ny fanafarana vary avy any ivelany, araka ny fanazavany.

Ramano F.