Toekarena

Fampiroboroboana ny Indostria Any Korea Atsimo ny minisitra Guy Rivo

Toekarena
Alakamisy 20 Septambra 2018

Manao fitsidihana any Korea Atsimo ny minisitry ny Indostria Guy Rivo Randrianarisoa amin’izao ho tohin’ny ny « Semaine de Corée » natao teto

Antananarivo ny herinandro voalohan’ny volana septambra teo sy ny fanatontosana ny fihaonana ara-ekonomika teo amin'ny mpandraharaha Malagasy sy koreana ny 4 septambra 2018 tao amin'ny Hotely Carlton. Mitsidika orinasa lehibe sy oniversite maromaro ny tenany. Omaly alarobia dia nisy ny fihaonana tamin'ireo manampahefana ambony eo amin'ny firenena koreanina toy ny filohan'ny Antenimieram-pirenena Moon Hee-Seng. Mifanojo amin'ny fihaonana an-tampony teo amin'ny filoha koreanina rahateo izao fihaonana izao ka nilazan'ny minisitra Guy Rivo fa manohana ny ezaka rehetra mitondra mankany amin'ny filaminana sy ny fitoniana ny Malagasy. Nampirisika koa izy ny hifandraisan'ireo solombavambahoaka roa tonta. Marihina fa mbola hihaona amin'ny tompon’andraikitra ambony misahana ny indostria ny tenany.

Toky R