Toekarena

Fampiroboroboana ny fanondranan’entana Hampitomboina avo 3 heny

Toekarena
Alarobia 04 Jolay 2018

Avy eto Antananarivo avokoa, raha ny fanazavan’ny avy eo anivon’ny minisiteran’ny asa vaventy, ny 80%-n’ireo entana aondrana ao amin’ny seranan-tsambon’i Toamasina.

Mba hahafahana manampy ireo mpandraharaha eto an-drenivohitra sy hanampiana ireo mponina any an-toerana ary dia fantatra fa hohatsaraina ny lalam-pirenena faharoa sy ny lalamby mihazo iny faritra iny, ankoatra ny fanitarana ny seranana. Tetikasa efa samy mandeha avokoa moa ireo, raha ny fanazavana, ary tanjona ny ahafahana mampitombo avo 3 heny ny fanondranana entana avy eto amintsika. Ampitomboina avo 3 heny toy izay koa ny famokarana eto Antananarivo. Ao anatin’ilay tetikasa TaTom no hanatanterahana izany, iarahan’ny minisiteran’ny asa vaventy sy ny orinasa japoney JICA misalahy, raha ny fanazavana nandritry ny fihaonan’ny 2 tonta tetsy amin’ny Panorama Andrainarivo omaly.

J. Mirija