Toekarena

Fampindramam-bola madinika Manampy ny Malagasy amin’ny tetikasany

Toekarena
Zoma 05 Jolay 2019

Sahirana ary tena sahirana ny Malagasy amin’izao fotoana izao. Maro ny miasa tena sy manao izay hahavelona azy fotsiny. Olana ny tsy fahampian’ny vola aodina hanaovana fandraharahana.

Izany no antom-pisian’ny orinasa mpampindram-bola madinika. Raha ny ACEP Madagasikara manokana, izay mankalaza ny faha -20 taonany dia efa mahatratra 20 ny masoivohony eto Madagasikara. Manao fampindramam-bola madinika sy mandray ny petra-bola ity orinasa ity ary miezaka manakaiky hatrany ny mpanjifany. Izany no antony nanavaozany ny marika hahafantarana azy amin’izao fotoana izao izay nampahafantarina teny amin’ny Hotely Tamboho Ankorondrano omaly. Ankoatra ny fampindramam-bola madinika dia misy ny fiantohana ara-pahasalamana ho an’ireo mpanjifany. Mila sahy mampiasa sy mampiodim-bola amin’izao fotoana izao ny Malagasy raha te ho tafavoaka ary soa fa misy ny fampindramam-bola madinika tahaka ireny mba ahafahan’ireo voailika eny amin’ny Banky mahazo famatsiam-bola.

Tsirinasolo