Toekarena

Fampiasana ny tetibola momba ny fahasalamana Hanazava ny sekretera jeneralin’ny ministera

Toekarena
Alarobia 01 Jolay 2020

Handrasana rahampitso 2 jolay izany ny sekretera jeneralin’ny ministeran’ny fahasalamam-bahoaka, ny Profesora Gaetan Duval Solofomanana, hanazava ny tsara ho fantatra rehetra momban’ny tolo-dalana mikasika ny tetibola nasiam-panitsiana na PLFR 2020.

Ry zareo eo anivon’ny fiarahamonim-pirenena mpanara-maso izany na ny CCOC moa no manasa azy hamahavaha izay lalan-kizoran’ireo volam-panjakana natao hiahiana ny fahasalamam-bahoaka izay eny amin’ny foibeny. Fiadiana sy fampitsaharana ny fianaky ny valan’aretina: Ireo paikady raketin’ny PLFR 2020? Izay moa no lohahevitra miendrika fanontaniana hiaingana amin’ity fihaonana ity, raha ny fanazavan’ny mpikarakara. Andeha mivantana eo amin’ny tambazotran-tserasera Facebook ihany koa izany, raha ny praograma.

J. Mirija