Toekarena

Fampiasana angovo azo havaozina Miara-miasa amin’ny OURSUN GREEN POWER ny JIRAMA

Toekarena
Alarobia 04 Novambra 2020

Hiroso amin’ny fampiasana ny angovo azo havaozina ny orinasa JIRAMA sy ny orinasa Alemana OURSUN GREEN POWER manomboka izao. Nanatanteraka sonia fifanaraham-piaraha-miasa ny roa tonta omaly entina hanatanterahana izany.

Miompana amin’ny fametrahana tobim-pamokarana herinaratra mandeha amin’ny masoandro ireo tetikasa telo hotontosainy, manana tanjaka mitontaly 11 MW. Eto amin’ny tanànan’Antananarivo no hanatontosana izany. Miavaka ireo tetikasa ireo satria mampiasa ny teknolojia « Rooftop », izany hoe : eny ambony tafontrano no hametrahana ireo takelaka famokarana herinaratra avy amin’ny masoandro izay mitsitsy ny velaran-tany hampiasaina. « Tanjon’ny JIRAMA ny hanatsara ny kalitaon’ny herinaratra vatsiany sy ny hampidina ny mason-karenan’ny famokarana hahatrarana ny “équilibre opérationnel alohan’ny faran’ny taona 2021 », hoy ny tale jeneralin’ny orinasa JIRAMA Vonjy Andriamanga. Haharitra 12 volana kosa ny asa dia hamokatra ity tobim-pamokarana herinaratra azo avy amin’ny masoandro ity, izay hanampy tosika ny famatsiana herinaratra eto an-drenivohitra ary hipàka amin’ny tambazotra iraisan’Antananarivo.

Pati