Toekarena

Fampiakarana ny voka-bary Ilaina ny voka-pikarohana mahomby

Toekarena
Alakamisy 29 Aogositra 2019

Ambentin-teny mandrakariva amin’izao fotoana izao ny hoe “tokony hahavita tena ara-bary i Madagasikara ny taona 2020”.

Ny fandavantenan’ny tantsaha hampandroso ny sehatry ny fambolena amin’ny fampiasana ireo teknika moderna mihitsy anefa no antoka hahatrarana izany. Ho fampiroboroboana ny voka-bary eto Madagasikara hanatsarana ny toekarena ambanivohitra ary hipaka amin’ny firenena mihitsy dia nisy ny tatitry ny voka-pikarohan’ny mpianatra avy amin’ny oniversite japoney sy mpampianatra Japoney mandalo eto Madagasikara tetsy Nanisana. Paikady sy fomba hanapariahana ireo teknika rehetra hampiakarana ny voka-bary no novelabelarina. Mila omen-danja ihany koa ny fampiofanana amin’ny fitantanana ara-bola eny ambanivohitra ary tokony hojeren’ny fitondrana malagasy akaiky ny fampanajana ny miralenta any araka ny vokatry ny fikarohana hatrany,

Tsirinasolo