Toekarena

Partagé sur :
• facebook

Mandalo eto Madagasikara nandritra izay herinandro izay ny filoha lefitry ny toekarena sy fampandrosoana ny sehatra tsy miankina ny IFC (International Finance Corporation), Hans Peter Lankes.

Ny IFC izay vondrona anatin’ny Banky Iraisam-pirenena ary efa nampiasa vola hatrany amin’ny 250 tapitrisa dolara ny amin’ny fanohanana ny sehatra fambolena, ny fotodrafitrasa, ny angovo, ny banky ary ny fandraharahana. Tanjona ny hanohanana an’i Madagasikara amin’ny fampandrosoana ara-toekarena ary hanafainganana ireo dosie mahakasika ny fandraharahana, indrindra ny amin’ny lafiny angovo, ny fotodrafitrasa ary ny agro-indostria. Isaky ny tetikasa tohanana dia tokony hiantraika amin’ny tsirairay, indrindra ireo tanora manana vina hanangana orinasa na hivarotra vokatra ny tosika ataon’ny IFC hoy Atoa Lankes. Efa nihaona tamin’ny tompon’andraikitra ambony maro tahaka ny filoham-pirenena, ny praiminisitra , ny governoran’ny Banky Foibe ary ireo minisitra vooakasiky ny tetikasa ny tenany ary nanambara tamin’ireo hatrany ny tokony hilofosan’i Madagasikara hampiroborobo haingana ny sehatra tsy miankina indrindra ny mahakasika ny angovo, ny fitaterana ana habakabaka ary ny fambolena. Nisy ihany koa ny fihaonana tamin’ireo mpandray anjara rehetra amin’ny sehatra tsy miankina sy ireo mpamatsy vola hafa manosika an’i Madagasikara. Tamin’ny diany farany moa dia niaraka tamin’ny minisitry ny fambolena, Lucien Ranarivelo Atoa Lankes nijery ny fizotran’ny tetikasa BOVIMA izay novatsiana vola nanamboarana abatoara manaraka ny fenitra iraisam-pirenena any Fort Dauphin.

Tsirinasolo

Tia Tanindrazana

Samia mijoro ho an'i Gasikara.