Toekarena

Fampandrosoana ifotony Any New York i Lalao Ravalomanana

Toekarena
Talata 17 Jolay 2018

Any New York renivohitra ara-toekaren’i Etazonia amin’izao fotoana ny ben’ny tanànan’Antananarivo Lalao Ravalomanana miatrika ny fihaonana iraisam-pirenena momba ny fampandrosoana ny vondrom-bahoakam-paritra itsinjaram-pahefana, dia ny fampandrosoana ny Kaominina sy ny governemantam-paritra izany.

“Local and Regional Governement High Level Political Forum” na dinika ara-politika avo lenta momba ny ODD (Objectif de Développement Durable) na vinan’ny fampandrosoana maharitra izy io. Anisan’ny olana eto amintsika tahateo ny tsy firindrana na ny tsy fifankahazoana mihitsy eo amin’ny fifandraisan’ny governemanta foibe, na ny governemantam-paritra ihany koa sy ny Kaominina ankehitriny, izany dia anisan’ny sakana amin’ny fampandrosoana ny fiadidiana ny tanàna. Olana anisan’ny dinihana amin’izao fivoriana iraisam-pirenena any New York izao ny mahakasika izany.

Toky R