Toekarena

Fampandrosoana eny ifotony Kaominina miisa 992 no nahazo famatsiam-bola

Toekarena
Talata 27 Martsa 2018

Kaominina miisa 992 tamin’ireo 1.059 nanao fangatahana tamin’ny banky iraisam-pirenena omaly no notolorana taratasim-bola 15 tapitrisa Ar avy teny amin’ny efitrano fandraisana fivoriana iraisam-pirenena eny Ivato.

Nandritra ny fanokafana tamim-pomba ofisialy ilay tetikasa PAPSP ( Paik’Ady am-Pivoarana ny sehatr’Asam-Panjakana no nanatanterahana izany, narahina fanolorana môtô vaovao ireo kaominina 992 ireo ho entin’ny Ben’ny tanàna miasa. Tonga nanokatra sy nanome voninahitra ny lanonana ny filoham-pirenena Hery Rajaonarimampianina, ny praiminisitra lehiben’ny governemanta Solonandrasana Olivier, ny filohan’ny Antenimierandoholona Rivo Rakotovao. Nambaran’ny filoha fa tsy vita indray andro ny asa fampandrosoana ka mila manana faharetana ny rehetra. Tsy tokony tsy tokony halahelo ireo kaominina tsy mbola nahazo satria tsy maintsy ho avy izao saingy na izany aza kosa dia tokony hiezaka ny Ben’ny tanàna rehetra hampihatra ny resaka mangarahara amin’ny fitantanam-bola mba ho tombontsoan’ny vahoaka. Samy manana ny fotodrafitrasa haoriny avokoa moa ireo kaominina miisa 992 ireo.

Pati