Toekarena

Fampanarahana fenitra sy kalitao Hanampy ny Sendikan’ny Indostria ny BNM

Toekarena
Alarobia 04 Novambra 2020

Mikarakara tan-tsoroka ho an’ny Sendikan’ny Indostria eto Madagasikara (SIM) mba ahafaha-mametraka ny bokin’andraikitra hanandrantana vokatra Malagasy amin’ny alalan’ilay hoe:

“Malagasy Ny Antsika” ny BNM (Bureau des Normes de Madagascar) izay mifototra betsaka amin’ny resaka fenitra sy kalitao. Ny Minisiteran’ny Indostria sy ny Varotra ary ny Fanjifana (MICA) no miahy ara-teknika azy io. Hiantsoroka ny SIM ka hitondra ny fahaiza-manaony amin’ny fandinihana sy tombana araka ny fenitra tokony harahin’ny vokatra ny BNM. Hanara-maso izay fanarahana ny fenitra izay, mba hahatonga ny “Vita Malagasy” ho fitaratra amin’ny tsena anatiny sy iraisam-pirenena.

Toky R