Toekarena

Famokarana zava-pisotro Miverina manodina milina ny STAR

Toekarena
Zoma 21 Aogositra 2020

Miverina amin’ny ara-dalana ny asa famokarana eo anivon’ny orinasa famokarana zava-pisotro STAR ao Antsirabe rehefa nitsahatra tao anatin’ny iray volana. Niara-nitsidika ity ozinina manan-tantara ity tany an-toerana ny minisitry ny Indostria, ny

varotra ary ny asa tanana Rakotomalala Lantosoa sy ny Tale Jeneralin’ny STAR Marc Pozmentier, ny Talata lasa teo. Notanterahan’izy ireo nandritra izany fitsidihana izany ny famerenana ny fampandehanana indray ny asa famokarana. Mifanindran-dalana ihany koa amin’ny fiverenan’ny tinady ara-barotra tsikelikely amin’ny laoniny izao fisokafana izao. Manantena ihany koa ny STAR fa hiverina hiodina tsy ho ela ny ozinina ao Ambatolampy, izay nitsahatra tsy niasa nanomboka ny voalohan’ny volana mey.

Jean D.