Toekarena

Famatsiam-bolan’ny Vondrona Eoropeanina Ny Malagasy no mahafantatra ny laharam-pahamehany

Toekarena
Alakamisy 09 Mey 2019

Mbola ao anatin’ny fanamarihana ny herinandron’i Eoropa ny fihaonana narahina adihevitra mikasika ny banjina ara-toekarena notontosaina tetsy amin’ny Hotely IBIS Ankorondrano omaly alarobia 08 mey.

Tanjona ny hikatsahana hatrany ny tombontsoan’i Madagasikara ny amin’ny fiaraha-miasa amin’ny vondrona eoropeanina. Nivoitra tamin’izany fa manana ny fahalalahany tanteraka i Madagasikara hametraka izay fandaharan’asa laharam-pahamehana ny amin’ny famatsiana vola atao aminy mba hiteraka tombontsoa ho amin’ny Malagasy rehetra. Malalaka ny Malagasy amin’ireo sehatra maro toy ny fametrahana ny demokrasia sy ny fanjakana tsara tantana, ny angovo sy ny fikajiana ny tontolo iainana ary ireo maro hafa izay hahazoana famatsiam-bola amin’ny vondrona eoropeanina. Tsiahivina fa vola 492 tapitrisa euro no efa navoakan’ny vondrona eoropeanina ho an’i Madagasikara anatin’ny vatsy ara-toekarena ho an’ny fampandrosoana andiany faha-11.

Tsirinasolo