Toekarena

Partagé sur :
• facebook

Hanome lanja ireo mpandraharaha Malagasy ny orinasa Star amin’ny alalan’ny marika THB.

Voasarika tamin’ny foto-kevitr’i Nathalie Ndrianeva izy ireo tao anatin’ilay loha-hevitra hoe : Andao hifanohana, foto-kevitra nitsiry tao anatin’ny hamehana ara-pahasalamana. Raha tsiahivina kely dia natao hampahafantarana ireo mpandraharaha Malagasy madinika sy hanomezan-danja ny vita Malagasy ity foto-kevitra ity. Nankasitraka izany ny orinasa Star ka nanokatra lalao tao amin’ny pejy facebook ny ‘THB Madagascar officiel’. Tanjona amin’ity lalao ity ny hampahafantatra ireo mpandraharaha amin’ny sehatra samihafa sy ny fanohanana ara-pitaovana ny orinasa nosafidian’ny maro. Orinasa 382 no voatonina raha miisa 6 kosa no voatanisan’ny maro betsaka indrindra. Anisan’izany ny societe Fara, gouts fruites, Anna Creata, Atelier Trio….Niantso ny Sel sy ny orinasa Your Target ny orinasa Star nanaraka ny fangaraharan’ny valin’ny lalao sy ny fahamarinany. Ny jejoo Elle no nahazo ny safdin’ny besinimaro tamin’ny isa 13.550 ary nahazo fampitaova mitentina 10 tapitrisa Ar. Josh Tech kosa no nahazo ny laharana faharoa tamin’ny isa 11739. Mikasika ny fifaninanana sary ho fankalazana ny faha-50 taonan’ny Eau Vive moa dia nampandalovina sivana roa izany ka ny 40% no nosafidian’ny besinimaro raha an’ny mpitsara ny 60%. Nahatratra 20 mahery kosa ny mpandray anjara nandefa ny sary izay samy mitondra ny lokon’ny Eau vive avokoa. I Angelo Ravelomanantsoa no nahazo ny laharana voalohany tamin’izany izay notolorana tapis de course sy bon d’achat mitentina 500.000 Ar.

 Pati

Tia Tanindrazana

Samia mijoro ho an'i Gasikara.