Toekarena

Fadintseranana Malagasy Nanatanteraka andro manokana ho an`ny mpianatra

Toekarena
Alatsinainy 07 Desambra 2020

Ao anatin` ny fankazalana ny faha-200 taonany, nanatanteraka famelambelaran-

kevitra tamin` ireo mpianatra avy amin`ny oniversite sy sekoly ambony tsy miankina momba ny ladoany ny Fadintseranana Malagasy ny faran`ny herinandro lasa teo. Nizara ireo traikefa, ny andraikitra sy ny iraky ny ladoany ary ny asan'ny ladoany ny tale jeneralin` ny fadintseranana Lainkana Zafivanona Ernest. Narahina fitsidihana ny birao foibe etsy Antaninarenina sy Mamory Ivato ihany koa izany. Raha tsiahivina, nandritra ny andro fanamarihana eran-tany ny fadintseranana, ny 26 janoary teo, dia nametraka fanamby ny Ladoany Malagasy ho fiatrehana ny 200 taona manaraka fa hametraka drafitrasa ho an` ny taona 2020-2023 hanatsarana ny ezaka vita teo aloha sy takin` ny asa fampandrosoana. Fanamby apetraka ny “iray dolara miasa, tokony hampiditra 136 dolara eo amin` ny toekarena”. Marihana fa mampiditra vola be ny fadintseranana ary mahatratra 48 % amin’ny kitapom-bolam-panjakana isan-taona ny vola hampidiriny eto Madagasikara.

Marigny A.