Toekarena

Dr Nalisoa Ravalitera “Mila ampifanarahana amin’ny toe-tsaina ny fandrosoana”

Toekarena
Alatsinainy 14 Desambra 2020

Mamorona fitaovana toy ny vola ny olombelona ho irakiraka nefa ireny indray no

lasa manirakiraka azy, hoy ny mpampianatra mpikaroka, ny Dr Nalisoa Ravalitera, naneho ny heviny mikasika ny fikarohana sy raharaham-pirenena. Tsy maintsy mivoatra ny fitaovana sy tekinolojia saingy tsy maintsy fehezina, hoy izy. Tsy mitovy ny fandrosoana eto sy any ivelany ka mila ampifanarahana ny toetsaina misy eto noho izany, hoy ny fanazavany, ny teknika ampiasaina. Fehiny dia hoe tsy tokony hiataka amin’Andriamanitra isika fa hiverina ao amin’ny naharian’Andriamanitra antsika ka hikajy izao tontolo izao sy ny zavaboary ao aminy. Raha ampiharina amin’ny fiainam-pirenena ilay izy dia hoe mihazakazaka isika, indrindra, ireo mpanapa-kevitra hitovy amin’ny any ivelany, hampiasa ny tekinika mamirapiratra rehetra any nefa tsy mifanaraka loatra amin’ny zava-misy eto amintsika. Hain’ny ankizy ve ny mampiasa “tablette” ary mifanaraka amin’ny toetsainy? Tokony hampahafantarina aloha ny azontsika ampiasana azy mba hifanaraka amin’ny zava-misy eto fa tsy haka tahaka fotsiny amin’ny any ivelany, hoy hatrany ny tenany.

J. Mirija