Toekarena

Donald Trump “Hiara-kiasa amin’ny lafiny toekarena sy sosialy isika”

Toekarena
Alakamisy 27 Jona 2019

Nandefa taratasy fiarahabana ho an’ny filoha Andry Rajoelina sy ny vahoaka Malagasy noho ny fetim-pirenena ny filoha Amerikanina Donald Trump.

Nambarany ny fahavononan’i Etazonia hiara-kiasa amin’i Madagasikara eo amin’ny sehatry ny toekarena sy ny sosialim-bahoaka mba hisian’ny fampandrosoana maharitra eto Madagasikara. Nanamafy ny filoha Amerikanina fa fotoana nanamarika ny fanjakan’ny demokrasia ny fifidianana filoham-pirenena nizotra am-pilaminana tamin’ny 2018. Ny governemantan’ny firenentsika roa tonta, hoy izy dia miara-miasa hatrany amin'ny fampiroboroboana ny sehatra ara-toekarena sy ny fanatsarana ny fandraisana an-tanana ara-pahasalamana. Notsipihany manokana ihany koa ny maha zava-dehibe ny fiarovana ny tontolo iainana sy ny harena voajanahary tsy manampaharoan’i Madagasikara.

RTT