Toekarena

Botoubebe Rosin mpandraharaha ara-lodsia “Efa vonona amin’ny fanondranana izahay”

Toekarena
Alakamisy 23 Novambra 2017

Omaly hariva no nisokatra ny taom-piotazana sy taom-panondrana lodsia amin’ity taona 2017 – 2018 ity ho an’ny faritra atsinanana sy ny faritra Analanjirofo.

Efa mameno ireo tontolo ambanivohitra mandresy lahatra ireo mpamokatra ankehitriny ireo mpanangom-bokatra, satria somary vitsy ny lodsia nanaraka ny kalitao fanondrana noho ny orana.

Isan’ireo mpandraharaha Malagasy amin’ny fihariana lodsia tao anatin’ny maro Atoa Botoubebe Rosin, ka mahalala tsara ny olana sy fomba rehetra atao entina mandresy lahatra ireo vahiny mpividy izany any Eoropa, izay nilazany fa “vonona ny hiaro ny fihariana lodsia eo amin’ny tsena iraisam-pirenena izahay mpandraharaha”; na eo aza ny nambarany fa “nisy faharatsiana ny lodsia tamin’ity taom-pihotazana 2017 ity noho ny fiovan’ny toetr’andro ka nahatara ny orana”. Nohamafisin’Atoa Botoubebe Rosin anefa fa “ao anatin’ny fanarahana ny fenitry ny ‘global-gap’ sy ny fifanarahana amin’ny lanja nifanekena tamin’ireo mpividy ny lodsia malagasy any ivelany izy ireo izao ka tsy atahorana ny tsy hahatrarana ny fatran’ny lodsia tadiavin’ireo mpividy.

Rakoutou