Toekarena

Boriborintany Antananarivo Renivohitra Efa mampiasa «caisse enregistreuse»

Toekarena
Alarobia 19 Jolay 2017

Tanjon’ny kaominina Antananarivo Renivohitra ny fampitomboana hatrany ny vola miditra eo anivon’ny Fiadidiana ny tanàna.

Fitaovana mahomby ahatongavana amin’izany ny fanatsarana ny fomba fiasa any amin’ireo sampandraharaha isan-karazany. Fanavaozana lehibe amin’izao fotoana izao, ohatra, ny fampiasana ilay antsoina hoe «caisse enregistreuse» izay nasolo ny fizarana «quittance» nahazatra ny olona teo aloha. Tsy maintsy mandalo eo anatrehan’io fitaovana maoderina io avokoa manomboka izao ny fandoavam-bola rehetra eny anivon’ireo boriborintany enina manerana ny renivohitr’i Madagasikara, hoy ny delege Ramahandrimanana Solofoniaina Daniel. Hanampy betsaka amin’ny famongorana tanteraka ny kolikoly sakana amin’ny fampandrosoana ny tanàna rahateo ity fitaovana fikirakirana antontan-taratasy vaovao ity, araka ny fanampim-panazavany.

Ramano F.