Toekarena

BNI - Sabotsy Namehana Am-perinasa nanomboka omaly

Toekarena
Talata 25 Jolay 2017

Feno 60 isa sahady ankehitriny ny masoivohon’ny banky BNI Madagascar manerana ny Nosy.

Notokanana omaly teny Sabotsy Namehana ny masoivohony faha-60, lanonana notronin’ny solombavambahoaka voafidy eny an-toerana, ny lehiben’ny distrikan’Avaradrano ary ny Ben’ny tanànan’i Sabotsy Namehana. Nivoitra nandritra izany fa ny mba hahafahana manakaiky bebe kokoa ny mpanjifa no antony manosika ity banky iray ity hanokatra masoivoho maro hatrany tahaka izao eny fa na dia amin’ireo toerana mitoka-monina toa an’i Tanambe sy Maintirano ary Maroantsetra aza. Ho an’ny kaominina Sabotsy Namehana manokana dia anisan’ny antony nisafidianan’ny Banky BNI ity kaominina ity ny hamaroan’ireo tantsaha mpiompy sy mpamboly eny an-toerana, ny mpanao asa tanana… izay tokony hahazo fanampiana avy amin’izy ireo amin’ny alalan’ireo tolotra maro samihafa misy ao aminy toy ny fampindramam-bola. Mivoha mandritra ny herinandro tsy miato izy ireo.

Pati