Toekarena

BNI Madagascar Miezaka manohana ireo tanora manampahaizana

Toekarena
Zoma 01 Septambra 2017

Miezaka manohana ireo tanora Malagasy manampahaizana ny banky BNI Madagascar, indrindra ho an’ireo nianatra sy nandalina manokana ny resaka banky, efa nahavita fianarana.

Tonga nanohana ireo mpianatra an-jatony mandrafitra ny andiany « Tsiry Itokiana » navoakan’ny sekoly ambony ISCAM teny Ivato ny banky omaly amin’ny maha mpiara-miombon’antoka akaiky azy ho tohin’ny sonia fifanekem-piaraha-miasa efa notanterahin’ny roa tonta an-taonany maro. Nambaran’ny tale misahana ny maha olona eo anivon’ity banky iray ity nandritra izany fa efa betsaka ireo mpianatry ny sekoly ambony ISCAM vita fianarana no efa noraisin’izy ireo hiasa ao aminy. Mbola hitohy hatrany izany, indrindra amin’ny fisokafan’ireo masoivohon’ity banky iray ity am-polony manerana ny Nosy. Reny mpiahy ity andiany ity Rtoa Sahondra Rabenarivo, manampahaizan’i Harvard. Nanipika sy nanafatratrafatra ireo vao nahazo mari-pahaizana izy ny amin’ny fahasarotana eo amin’ny tontolon’ny asa sy ireo fepetra ankapobeny takiana.

Pati

Nandritra ny fizarana diplaoma ho an’ireo mpianatry ny sekoly ambony ISCAM eny amin’ny CCI Ivato omaly