Toekarena

BNI Madagascar Hanampy ireo maniry hanana tany sy trano

Toekarena
Zoma 17 Novambra 2017

Vonona hanampy ireo fianakaviana Malagasy maniry hanana trano ny banky BNI Madagascar. Anisan’ny antony manosika azy ireo ho mpanohana ofisialy ny “Salon de l’habitat”

nandritra ny taona maro izany, mitohy hatramin’izao andiany faha-19 izao, tanterahina eny amin’ny Forello Expo Tanjombato nanomboka omaly. Tanjona ny hanome fahafaham-po ny mpanjifa rehetra, indrindra ireo mikarama isam-bolana. Misy karazany maro ny tolotra. Anisan’ireny ny credit taniko izay hahafahana mividy tany, ny credit tranoko hahafahana manorina trano, ny credit tanànako izay hahafahana mividy tany sy trano mitambatra, ny credito Fioharana hahafahana manavao sy manatsara ny trano amin’ny lafiny rehetra. Hiarahan’ny banky BNI sy ny Solidis Garantis izany rehetra izany hanamorana ny fahazoana ny vola hahafahana manatanteraka ny tetikasa ao anatin’ny fotoana fohy. Ao koa ny Immobilier conseil amin’ny fikarakarana ny taratasin’ny tany. Mahatratra 18 taona ny fe-potoana hahafahana mamerina ny vola nindramina izay marihina fa hisy taha manokana mandritra ity Salon ity.

Pati