Toekarena

Bekopaka Havaozina ny lalana mankany amin’ny Tsingy

Toekarena
Alatsinainy 31 Aogositra 2020

Hisokatra tsy ho ela ny fiantsonam-piaramanidina ao Bekopaka, raha ny nambaran’ny minisitry ny fitaterana sy fizahantany, Joel Randriamandranto.

Antony dia ny mba hahafahan’ireo mpizahantany mitsidika ireo Tsingin’i Bemaraha mandava-taona. Havaozina ny lalana manomboka eo amin’ity “aerodrome” ity izay mampifandray azy amin’ny Tsingy lehibe sy ny tananan’i Bekopaka. Ao anatin’izay fanatsarana izay hatrany, hoy ny fanazavana, dia hisy ny fametrahana paositry ny zandarimaria ho fitandroana ny aim-bahoaka sy ireo mpizaha tany amin’iny toerana iny.

J. Mirija