Toekarena

Banky Iraisam-pirenena Nandefa mpahay toekarena manao iraka eto

Toekarena
Talata 21 Febroary 2023

Nihaona tamin’ny Praiminisitra, Lehiben’ny governemanta, Ntsay Christian ny delegasiona iray mpahay toekarena

avy amin’ny Banky Iraisam-pirenena, nahitana an'Andriamatoa sy Ramatoa isany Luis-Felipe Lopez-Calva (Global Director Poverty and Equity), Pierella Paci (Practice Manager Poverty and Equity), Marco Hernandez (Practice Manager of Macroeconomic, Trade and Investment), ary Marie-Chantal Uwanyiligira (Country Manager), raha ny voavao navoakan’ny Fiadidian’ny Primatiora. Nidinika manokana mahakasika ny fivoaran’ny tahan’ny fahantrana eto Madagasikara ny roa tonta, ary nifanakalo hevitra momban'ny paikady hifehezana an'izany. Fantatra rahateo fa hanome tohana ara-bola ny Banky Iraisam-pirenena, hanatanterahana an'ireo drafi-pampandrosoana napetraka hitantanana ny firenena, araka ny tatitra hatrany. Hatreto, ny fampanantenana no betsaka, fa ny fiovany ho vokatra aloha tena mbola lavitr’ezaka. Vao andro vitsy ihany koa, ny faran’ny herinandro teo, dia nifampidinika tamin’ny Governemanta Malagasy ny avy amin’ny Mpiara-miombon’antoka ara-bola sy ara-teknika niresahana ny resaka fifidianana sy ny politika eto, saingy mbola manjavozavo nyy resaka famatsiam-bola avy amin’izy ireo noho ny antony maro, ka anisany ny tsy fahatokisana.
Toky R