Toekarena

Banky BNI Nanemotra 3 volana ny famerenam-bola ho an’ireo mpanjifany

Toekarena
Zoma 24 Aprily 2020

Miara-mientana amin’ny Malagasy rehetra, indrindra fa ireo mpanjifany ny banky BNI Madagascar amin’izao fotoanan’ny hamehana ateraky ny fiparitahan’ny COVID 19 eto amintsika izao.

Nahemotr’izy ireo 3 volana avokoa noho izany ny fe-potoana hahafahan’ireo olon-tsotra nindram-bola taminy mandoa ny trosany. Mihatra avy hatrany amin’ity volana Aprily ity izany ho an’ny rehetra na dia tsy manatona azy ireo aza ilay mpanjifa manao fangatahana no sady maimaim-poana fa tsy misy sarany. Toraka izay ihany koa ireo orinasa no sady mbola afaka manararaotra ireo karazana tolotra fanampiana azo omena azy ireo amin’izao hamehana ara-pahasalamana izao. Misokatra mandray ireo mpanjifany rehetra araka izany ireo masoivohon’ny Banky BNI miisa 93 manerana ny nosy raha arafa manara-maso ny kaonty ao anatin’ny tranon-kalam-pifandraisana amin’ny alalan’ny banque digital ihany koa ny rehetra. Manaja feno ny fepetra ara-pahasalamana moa ny banky mandritra izany toy ny fanaovana arotava, ilay elanelana 1 metatra, ny fanosorana gel hydroalcoolique amin’ny tanana mamono ny mikraoba.

Pati