Toekarena

Banky - BNI Madagascar Niampy iray indray ny masoivohony

Toekarena
Sabotsy 23 Desambra 2017

Niampy iray ny masoivohon’ny banky BNI manerana ny Nosy. Tao Mampikony, faritra Sofia no nametrahana izany, entina hanampiana sy hikarakarana ny mpanjifa.

Tonga nitokana izany tany an-toerana ny praiminisitra Solonandrasana Olivier, notronin’ny filohan’ny filankevi-piantanana eo anivon’ity banky ity Atoa Henri Rabarijohn. Tena manampy ny mpanjifa tokoa ny banky , hoy ny praiministra, izay tsy mijanona fotsiny ihany amin’ny fampisamboram-bola hanatanterahana tetikasa fa efa manampy ireo olona monina any amin’ny faritra lavitra andriana mba hahazo ny karamany ara-potoana ihany koa. Nampirisika ireo mponina ao Mampikony mba hiditra ho mpikambana eo anivon’ity banky iray ity araka izany Atoa Henri Rabarijohn hahafahana mampandroso ny faritra Sofia iray manontolo. Miasa mandritra ny herinandro tsy miato ity banky vao nisokatra ao Mampikony ity. Mahatratra 71 ny masoivohon’ny BNI manerana ny Nosy ankehitriny, misy milina fisintonam-bola (Guichet Automatique) miisa 100.

Pati