Toekarena

Partagé sur :
• facebook

Hotanterahina etsy amin’ny lapan’ny tanàna manomboka rahampitso zoma fiandohan’ny volana desambra, haharitra roa andro, ilay hetsika Baby Shopping andiany fahadimy karakarain’ny Prima Baby. Hiavaka tsy ho toy ny mahazatra ny hetsika, hoy Rajaonah Haingo,

mpikarakara. Hisy mantsy ny fiaraha-miasa akaiky amin’ny gazety Jejoo sy ny Top Radio FM 102.8  mandritra ireo roa andro ireo. Ny zoma dia maimaimpoana ny fidirana ho an’ireo olona mitondra ny coupon hita ao amin’ny gazety jejoo special hivoaka anio alakamisy raha 1.000 Ar no tokony ho vidim-pidirana. Arahina varo-mora amin’ireo karazan’entana sy kojakoja ilaina amin’ny fiainana andavanandro miaraka amin’ny Top Radio izay handeha mivantana mihitsy. Ankoatra izay, hisy ireo karazana tranoheva hivarotra manokana ireo karazana kojakoja sy fitafiana ho an’ireo zaza vao teraka ka hatramin’ny folo taona. Tafiditra ao ny kilalao, indrindra amin’izao ankatoky ny fetin’ny noely sy ny faran’ny taona izao. Tsy latsa-danja  ny fandraisana an-tanana manokana ireo ray aman-dreny manana olana amin’ny  fanabeazany ireo menaky ny ainy, hetsika iarahana amin-dRamamonjisoa Dina, matihanina manokana momba ny fitaizana ny zaza nandritra ny 20 taona. Ny Centre de Santé Rakotondrasana kosa no hifanome tanana amin’izy ireo amin’ny fanomezana torohevitra ireo ray aman-dreny manan-janaka tsy salama. Ny andro  sabotsy famaranana ny hetsika dia hisy ny lalao sy fanentanana ho an’ny ankizy, toy ny fifaninanana “déguisement”, izay handraisan’ny ankizy miisa 20 anjara, ny fanaovana face painting…

Pati

Tia Tanindrazana

Samia mijoro ho an'i Gasikara.