Toekarena

Augustin Rakotonirina “Maika ny fampandrosoana ny faritra Alaotra Mangoro”

Toekarena
Alatsinainy 17 Jona 2019

Anisan’ny asa maika miandry ny solombavambahoaka Augustin Rakotonirina, lany tany amin’ny distrikan’i Moramanga manomboka izao ny fampandrosoana ny Faritra misy azy.

Tafiditra ao anatin’izany ny fampiroboroboana ny fambolem-bary, ny fanamafisana ny fiarovana ny tontolo iainana…Fa ankoatra ireo raha ny nambarany dia hanatanteraka ireo hetahetam-bahoaka ihany koa ny tenany mba hahafahan’ny rehetra misitraka ny tamberin’andraikitra nankinina taminy. Mikasika ny fitoriana ity solombavambahoaka ity manokana moa dia nambarany fa zavatra roa samihafa ny maha talen’ny orinasa fanalamanga azy sy ny naha kandida azy tamin’ny fifidianana solombavambahoaka farany teo saingy hafangaron’ny olona. Efa naka fialantsasatra manokana izy raha ny nambarany nandritra ny fotoanan’ny fampielezan-kevitra fa tsy sanatria akory nanao tsinontsinona ny asany noho izany ara-dalàna ny tsy nitantanan’ny orinasa tao anatin’izay fotoana izay. Atoa Augustin Rakotonirina moa ny kandida nahazo ny laharana voalohany ho an’i Moramanga.

Pati