Toekarena

ASIA ENJOY Madagascar Hanampy ireo mpandraharaha amin’ny fitadiavana lalam-barotra

Toekarena
Zoma 23 Martsa 2018

Nosokafana tamim-pomba ofisialy omaly teny amin’ny Parc des expositions Forello Tanjombato haharitra efatra andro ilay hetsika “Salon Asia Enjoy Madagascar” karakarain’ny agence de communication la premiere ligne.

Ankoatra ny fanandratana sy fanomezan-danja ny vokatra vita Malagasy dia anisan’ny katsahina fatratra ao anatin’izao hetsika izao ny mba hahafahan’ireo mpandraharaha Malagasy mitady mpiara-miombon’antoka hifanohana aminy. Saika manatanteraka varotra fampirantiana ao anatin’io salon io avokoa mantsy ireo mpandraharaha avy any ivelany ahitana an-dry zareo avy any Japon, Thallainde, Sina hotronin’ireo mpandraharaha avy any amin’ny firenena hafa. Nisy tamin’izy ireo moa, omaly, indrindra fa ireo miantsehatra amin’ny sakafo no nampanao fanandraman-tsira maimaimpoana izay nahasarika olona marobe tokoa. Tonga nanatrika ny lanonana ireo mpikambana vitsivitsy ao anatin’ny governemanta nahitana ny minisitry ny varotra Atoa Chabani Nourdine izay nanasongadina ny maha zava-dehibe ny hetsika tahaka izao ho fanampiana ireo mpandraharaha Malagasy… Amin’ny alahady 25 martsa ho avy izao moa vao hifarana ny hetsika.

Pati