Toekarena

ARAM MINES Hampiranty ireo karazana vato misy eto Madagasikara

Toekarena
Alatsinainy 03 Jolay 2023

Mbola betsaka ireo olona tsy mahalala ny karazam-bato misy eto Madagasikara.

Mahatratra 2.500 eo ho eo ireo vato mineraly voajanahary misy sy efa fantatra izay hohampahafantarina ny besinimaro. Etsy amin’ny lapan’ny tanana Analakely no hamaovana ny fampirantiana momba izany manomboka rahampitso Talata 04 Jolay, haharitra 3 andro. Hiarahana miasa amin’ny fikambanana Perfect Madagascar ny hetsika. Hisy mandritra izany ny fizarana sy fampahafantarana ary fampisehoana ireo karazam-bato misy eto Madagasikara na ny « collection des minéraux naturels de Madagascar ». Ireo mpikaroka sy manam-pahaizana malagasy ao anivon'ny ARAM Mines no hamavahana sy hanazava ny mikasika izany. Tanjona amin’ity hetsika ity moa ny mba hahafahana mizara ireo traikefa sy fahalalana manodidina ireo karazana vato sarobidy sy manan-danja eto amintsika mba tsy ho tompon-trano mihono ny rehetra , indrindra fa ireo tanora Malagasy izay misehatra amin'ny fandratoana fahalalana sy fahaizana momba ny '' Minéralogie et Gemmologie''. Pati Legende : Ireo tompon’andraikitra nampahafantatra ny hetsika