Toekarena

Ambodivoanjo Ivandry Lasa toerana malaza ahitana tranombarotra goavam-be

Toekarena
Sabotsy 18 Martsa 2017

Lasa toerana malaza ahitana tranombarotra goavam-be ankehitriny ny eny Ambodivoanjo Ivandry.

Nifindra eny an-toerana nanomboka tamin’ity herinandro ity ny La grande épicerie de Tana izay teny amin’ny Pulman no nahitana azy teo aloha. Ho fanomezana fahafaham-po ny mpanjifa amina toerana malalaka kokoa, misy toby fiantsonana no antony namindrana toerana ity tranombarotra lehibe iray ity, araka ny fanazavana azo. Lohalaharana ny renim-pianakaviana amin’ny fitadiavana ireo karazana kojakoja ilaina amin’ny fiainana andavanandro manomboka amin’ny sakafo ka hatramin’ny kojakoja sy fitafiana natokana ho an’ny zaza. Tsiahivina moa fa misokatra manomboka amin’ny 6 ora sy sasany maraina ka hatramin’ny 9 ora sy sasany alina ity tranombarotra iray ity izay hiitatra hatramin’ny 10 ora sy sasany alina isaky ny zoma sy sabotsy. Misy ny toerana hahafahana misakafo maivana mandritra izany.

Pati