Toekarena

AMBANJA Nihena ny isan’ireo tanora tsy an’asa

Toekarena
Alarobia 23 Mey 2018

Mbola betsaka ireo tanora tsy an’asa ao anatin’ny distrikan’Ambanja, raha araka ny fanadihadiana natao. Maro amin’izy ireo anefa no nahavita fianarana nefa voatery manao asa tsy mifanaraka amin’ny fari-pahaizany.

Mba ho fanampiana azy ireo ary dia nosokafana tamim-pomba ofisialy tany an-toerana ny masoivohon’ny Star laharana faha-18. Ny hahafahana manome asa ireo tanora any an-toerana no tanjona sady hahafahana manatsara ny fiharian-karena ao amin’ity distrika ity ihany koa. Tamin’ny alatsinainy 22 mey teo no notokanana tamim-pomba ofisialy ny fotodrafitrasa. Fantatra fa anisan’ny antom-pisian’ny orinasa Star any an-toerana ihany koa ny mba hahafahana misarika mpizahatany vahiny betsaka, hampitomboana ireo vola vahiny miditra eto amintsika. Tsiahivina fa efa rakotry ny masoivohon’ny Star avokoa manerana ny Nosy ankehitriny, miampy ireo ozinina famokarana hampiasain’izy ireo miisa enina dia eny Andraharo, Andranovelona, Ambatolampy, Antsirabe, Malto Antsirabe, ary Antsiranana.

Pati