Sport

Volley-ball – Tompondakan’i Madagasikara Ho ambohimpihaonana ao Toamasina

Sport
Zoma 01 Septambra 2017

Manomboka ny alatsinainy 4 septambra 2017 izao no hanatanterahana any Toamasina ny ho tompondakan’i Madagasikara amin’ny taranja volley-ball sokajy “tanora” U 18 sy U 20 lahy sy vavy.

Vao mifarana izany ny zoma 8 septambra 2017 dia hanomboka amin’io andro io indray ny an’ny sokajy “sénior” lahy sy vavy ihany koa. Araka ny fanamarihana nomen’ny Federasion’ity taranja ity dia ligy 7 amin’ny 15 misy ankehitriny no efa fantatra nahatonga ny anaran’ireo solontenany avy. Ho an’ny ligin’Analamangan’ny volley-ball dia hanana solontena telo avy ny sokajy U 18 vavy sy lahy dia ny CCVB, ny ASI ary ny Squad an-kilany sy ny ASI sy AFA ary GNVB an-daniny. Telo ihany koa ireo solontenan’ity ligy ity eo amin’ny sokajy U20 lehilahy dia ny AMVB, ny ASSM ary ny VBCD, tokana kosa hoan’ny sokajy U20 vehivavy dia ny VBCD. Hanotrona azy ireo any Toamasina ny filohan’ny ligy, Rasamison Hajanirina.

Ntsoavina Evariste