Sport

Volley-Ball Tompondakan’i Afrika 2019 Nomen’ny filoham-pirenena 150 tapitrisa ariary ny GNVB

Sport
Talata 26 Martsa 2019

Noraisin’ny filoham-pirenena Malagasy teny Ambohitsorohitra omaly alatsinainy 25 martsa 2019 ny ekipan’ny GNVB volley-ball izay efa in-3

tompondakan’ny Oseana Indiana ka hiatrika indray ny lalao hiadiana ny tompondakan’i Afrika any Egypta amin’ny 31 martsa hatramin’ny 11 aprily 2019 ho avy izao. Taorian’ny nanoloran’ity ekipa ity ny amboara farany azony teny Ambohitsorohitra dia nanome tso-drano azy ireo ny filoha Andry Rajoelina mba hitondra avo ny anaran’i Madagasikara any Egypta any ary nanome fanampiana mitentina 150 tapitrisa ariary hoentin’izy ireo hiatrika an’izany fifaninanana izany. Nanambara ihany koa, Atoa filoha fa rehefa hitsangana ny Akademia Nasionalin’ny Fanatanjahantena dia hisitraka fotodrafitrasa manara-penitra ny mpanao fanatanjahantena, hisy ihany koa ny fanaraha-maso sy fanomanana arifomba azy ireo ary hapetraka ny vatsim-pianarana mikasika ny fanatanjahantena. Nitarika ny delegasion’ny GNVB ny “ministre coach” ny jeneraly Ravalomanana Richard.

Ntsoavina Evariste